ગુજરાત મોરી મોરી રે June 19, 2009
Posted by યોગેશ કવીશ્વર in લોકપ્રિય ગીતો.Tags: ગુજરાત મોરી મોરી રે
1 comment so far
મળતાં મળી ગઈ મોંઘેરી ગુજરાત
ગુજરાત મોરી મોરી રે.
ભારતની ભોમમાં ઝાઝેરી ગુજરાત
ગુજરાત મોરી મોરી રે.
સાબરનાં મર્દાની સોણલાં સુણાવતી,
રેવાનાં અમૃતની મર્મર ધવરાવતી,
સમદરનાં મોતીની છોળે નવરાવતી,
ગુજરાત મોરી મોરી રે.
ગિરનારી ટૂકો ને ગઢ રે ઈડરિયા,
પાવાને ટોડલે મા’કાળી મૈયા,
ડગલે ને ડુંગરે ભર દેતી હૈયાં,
ગુજરાત મોરી મોરી રે.
આંખની અમીમીટ ઊમટે ચરોતરે,
ચોરવાડ વાડીએ છાતી શી ઊભરે !
હૈયાનાં હીર પાઈ હેતભરી નીતરે,
ગુજરાત મોરી મોરી રે.
કોયલ ને મોરને મેઘમીઠે બોલડે,
નમણી પનિહારીને ભીને અંબોડલે,
નીરતીર સારસ શાં સુખડૂબ્યાં જોડલે,
ગુજરાત મોરી મોરી રે.
નર્મદની ગુજરાત દોહ્યલી રે જીવવી,
ગાંધીની ગુજરાત કપરી જીરવવી,
એક વાર ગાઈ કે કેમ કરી ભૂલવી ?
ગુજરાત મોરી મોરી રે.
ભારતની ભોમમાં ઝાઝેરી ગુજરાત
ગુજરાત મોરી મોરી રે.
મળતાં મળી ગઈ મોંઘેરી ગુજરાત
ગુજરાત મોરી મોરી રે.
-ઉમાશંકર જોશી
દરેક પોસ્ટ May 8, 2009
Posted by યોગેશ કવીશ્વર in Uncategorized.add a comment
દરેક પોસ્ટ
- લાપાળીયા બ્લોગમા મુકવામા આવેલ દરેક પોસ્ટ અહીં કેટેગરી વાઇઝ મુકવામાં આવી છે.લાપાળીયા બ્લોગનો સાહિત્યનો ખજાનો માણવાનું ચુકતા નહીં…
- સાથીયા પુરાવો દ્વારે, દિવાડા પ્રગટાવો રાજ…
- હું તો ગઇ’તી મેળે
- રાખનાં રમકડાં મારા રામે રમતાં રાખ્યાં રે
- છેલ્લી પ્રાર્થના -ઝવેરચંદ મેઘાણી
- એક જ દે ચિનગારી, મહાનલ !
- એક વણઝારી ઝૂલણાં ઝૂલતી’તી
- જીવન અંજલિ થાજો !
- આજ રે સ્વપનામાં મેં તો ડોલતો ડુંગર દીઠો જો
- મારે ટોડલે બેઠો રે, મોર ક્યાં બોલે
- એક લાલ દરવાજે તંબુ તાણીયા રે લોલ
- જય જય જય ગરવી ગુજરાત
- ગુજરાત મોરી મોરી રે
- પાન લીલું જોયું ને તમે યાદ આવ્યાં
- ગુજારે જે શિરે તારે જગતનો નાથ તે સ્હેજે
- નૈયા ઝુકાવી મેંતો જોજે ડુબી જાય ના
- મૈત્રીભાવનું પવિત્ર ઝરણું
- દીકરીતો પારકી થાપણ કહેવાય
- પાંદડુ લીલું ને રંગ રાતો
- કાળજા કેરો કટકો મારો, ગાંઠથી છૂટી ગ્યો
- ચૌદ વરસની ચારણ-કન્યા
- વડલો કહે મારી વનરાયું સળગી
- શિવાજીનું હાલરડું
- ભૂલો ભલે બીજું બધું, મા બાપને ભૂલશો નહિ
- લાગ્યો કસુંબીનો રંગ
- શ્રીકૃષ્ણ: શરણં મમ:
- હે મારા ઘટમાં બિરાજતા શ્રીનાથજી
- યમુના જળમાં કેસર ઘોળી
- વાંકે અંબોડે શ્રીનાથજી
- એવું શું વલ્લભ પ્રભુનું નામ
- રંગીલા શ્રીનાથજી
- કાચબા-કાચબીનું ભજન
- ભાડૂતી બંગલો
- ત્યાગ ન ટકે રે વૈરાગ વિના
- હરિને ભજતાં
- નાવિકની ભક્તિ
- ઝેર તો પીધાં છે જાણી જાણી
- મુજ અબળાને મોટી મીરાત
- મને લાગી કટારી પ્રેમની
- નંદલાલ નહિ રે આવું
- રામ રમકડું જડિયું રે
- દેવળ જૂનું તો થયું
- મુખડાની માયા લાગી
- ભોળી રે ભરવાડણ
- પંખીડાને આ પીંજરુ જૂનું જૂનું લાગે
- આજનો ચાંદલિયો મને લાગે
- ઊંચી તલાવડીની કોર
- હે પૂનમની પ્યારી પ્યારી રાત
- નજરનાં જામ છલકાવીને
- ઓ ભાભી તમે થોડા થોડા થાવ વરણાગી
- તારી આંખનો અફીણી
- ઓ નીલ ગગનનાં પંખેરું
- શેરી વળાવી સજ્જ કરું
- જોબનિયું કાલ્ય જાતું રે’શે
- અચકો મચકો કાંરેલી
- ગુલાબી કેમ કરી જાશો ચાકરી
- બાર બાર વરસે નવાણ ગળાવ્યા
- દાદા હો દીકરી..
- ગામમાં સાસરિયું ને ગામમાં પિયરયું રે લોલ
- ન જાણ્યું જાનકીનાથે સવારે શું થવાનુ છે
- એક દિન આંસુ ભીનાં રે હરિનાં લોચનિયાં મેં દીઠાં
- ગઝલ-કલાપી
- એક ઘા - ‘કલાપી’
- સ્નેહશંકા-કલાપી
- પસ્તાવો- કલાપી
- ગ્રામમાતા –કલાપી
- શિકારીને…કલાપી
- જ્યાં જ્યાં નજર મ્હારી ઠરે યાદી ભરી ત્યાં આપની
- જનનીની જોડ સખી! નહીં જડે રે, લોલ!
- છોટી છોટી ગૈયા છોટે છોટે ગ્વાલ
- હમકો મનકી શક્તિ દેના
- શાંત ઝરૂખે વાટ નિરખતી
- સાથીયા પુરાવો દ્વારે, દિવાડા પ્રગટાવો રાજ…
- હું તો ગઇ’તી મેળે
- અમે રે ચંપો ને તમે કેળ
- આંધળી માં નો કાગળ
શાંત ઝરૂખે વાટ નિરખતી
- હે પ્રભો !
- છેલ્લી પ્રાર્થના -ઝવેરચંદ મેઘાણી
- એક જ દે ચિનગારી, મહાનલ !
- કદી મારી પાસે વનવન તણાં હોત કુસુમો
- નૈયા ઝુકાવી મેંતો જોજે ડુબી જાય ના
- મૈત્રીભાવનું પવિત્ર ઝરણું
- ઓ ઇશ્વર ભજીએ તને, મોટું છે તુજ નામ
- પ્રભો અંતર્યામી….
- હું તો કાગળિયાં લખી લખી થાકી
- નાગર નંદજીના લાલ !
- ઝૂલણ મોરલી વાગી રે, રાજાના કુંવર !
- હો…. મારે આજની ઘડી રે રળિયામણી
- જમુના ને કાંઠે કા’નો વાંસળી વગાડતો
- કાનુડાને બાંધ્યો છે હીરના દોરે
- માધવ ક્યાંય નથી મધુવનમાં !
- પગે ઘુંઘરું બાંધી નાચી રે …
- તારા વિના શ્યામ મને એકલડું લાગે
- જળકમળ છાંડી જાને બાળા
- કા’નાને માખણ ભાવે રે
- હે ઓધાજી મારા વ્હાલાને વઢીને કે’જો જી
ભજન.
- હંસલા હાલો રે હવે
- રાખનાં રમકડાં મારા રામે રમતાં રાખ્યાં રે
- રંગાઇ જાને રંગમાં…..
- કોઇ લાખ કરે ચતુરાઇ, કરમકા લેખ મિટે ના રે ભાઇ
- રામ સભામાં અમે રમવાને ગ્યાં’તાં..
- ભુતલ ભક્તિ પદારથ મોટુ, બ્રહ્મ લોકમાં નાહીં રે,
- હે કરુણાના કરનાર તારી, કરુણાનો કોઈ પાર નથી
- હરિ તારાં છે હજાર નામ! કયે નામે લખવી કંકોતરી?
- હેતે હરિરસ પીજીએ….
- વીજળીને ચમકારે મોતી પરોવવું પાનબાઇ !
- રાખનાં રમકડાં મારા રામે રમતાં રાખ્યાં રે
- ધૂણી રે ધખાવી બેલી અમે તારા નામની
- વૈષ્ણવજન તો તેને રે કહીયે, જે પીડ પરાઈ જાણે રે
- નિરખને ગગનમાં કોણ ઘુમી રહ્યો
- જે ગમે જગત ગુરુ દેવ જગદીશને
આરતી.
- કદી મારી પાસે વનવન તણાં હોત કુસુમો
- અખિલ બ્રહ્માંડમાં એક તું શ્રીહરિ,
- શંભુ ચરણે પડી, માગું ઘડી રે ઘડી કષ્ટ કાપો ।
- સમરું સાંજ સવેરા
- વિશ્વંભરી સ્તુતી
- રામ સ્તુતી
- દ્વ્રાદશ જ્યોતિર્લિંગ સ્તુતિ
- શ્રી શીવ સ્તવન
- શિવમહિમ્ન સ્તોત્ર
- શાંત ઝરૂખે વાટ નિરખતી
- ખુદા તારી કસોટીની પ્રથા સારી નથી હોતી
- નયનને બંધ રાખીને
- બસ એટલી સમજ મને પરવરદિગાર દે,
- અમે મૈયારા રે…ગોકુળ ગામનાં
- હે મારે મહિસાગરને આરે
- એક વણઝારી ઝૂલણાં ઝૂલતી’તી
- તું કાળી ને કલ્યાણી રે મા
- મા પાવા તે ગઢથી
- મણિયારો તે હલું હલું
- કેસરિયો રંગ તને લાગ્યો રે ગરબા
- સોના વાટકડી રે
- હો મારવાડા
- ઢોલીડા ઢોલ તું ધીમે વગાડ ના, ધીમે વગાડ ના
- હો રંગ રસિયા! ક્યાં રમી આવ્યા રાસ જો
- મારે તે ગામડે એકવાર આવજો
- ॥ ચાંદો ઊગ્યો ચોકમાં ॥
એક ઘા – ‘કલાપી’ May 8, 2009
Posted by યોગેશ કવીશ્વર in કલાપીનો કેકારવ, લોકપ્રિય ગીતો.Tags: એક ઘા - ‘કલાપી’
add a comment
તે પંખીની ઉપર પથરો ફેકતાં ફેકી દીધો,
છૂટયો તે ને અરરર! પડી ફાળ હૈયા મહીં તો!
રે રે! લાગ્યો દિલ પર અને શ્વાસ રૂંધાઇ જાતાં
નીચે આવ્યું તરુ ઉપરથી પાંખ ઢીલી થતાંમાં.
મેં પાળ્યું તે તરફડી મરે હસ્ત મ્હારા જ-થી આ,
પાણી છાંટયું દિલ ધડકતે ત્હોય ઊઠી શક્યું ના;
ક્યાંથી ઊઠે? જ્ખમ દિલનો ક્રૂર હસ્તે કરેલો!
ક્યાંથી ઊઠે! હ્રદય કુમળું છેક તેનું અહોહો!
આહા! કિન્તુ કળ ઊતરી ને આંખ તો ઊધડી એ,
મૃત્યુ થાશે? જીવ ઊગરશે? કોણ જાણી શકે એ?
જીવ્યું, આહા! મધુર ગમતાં ગીત ગાવા ફરીને,
આ વાડીનાં મધુર ફલને ચાખવાને ફરીને.
રે રે! કિન્તુ ફરી કદી હવે પાસ મ્હારી ન આવે,
આવે ત્હોયે ડરી ડરી અને ઇચ્છતું ઊડવાને;
રે રે! શ્રદ્ધા ગત થઇ પછી કોઇ કાળે ન આવે,
લાગ્યા ઘાને વીસરી શકવા કાંઇ સામથ્યૅ ના છે.
કોણ હલાવે લીંબડી ને કોણ ઝુલાવે પીપળી November 10, 2008
Posted by યોગેશ કવીશ્વર in લોકપ્રિય ગીતો.Tags: કોણ હલાવે લીંબડી ને ક
add a comment
કોણ હલાવે લીંબડી ને કોણ ઝુલાવે પીપળી
ભાઇની બેની લાડકી ને ભાઇલો ઝુલાવે ડાળખી…
લીંબડીની આજ ડાળ ઝુલાવે, લીંબોળી ઝોલા ખાય,
હીંચકો નાનો બેનનો એવો, આમ ઝુલણ્યો જાય,
લીંલુડી લીંબડી હેઠે, બેનીબા હિંચકે હીંચે.
કોણ હલાવે…
એ પંખીડા, પંખીડા, ઓરા આવો એ પંખીડા,
બેની મારી હીંચકે હીંચે, ડાળીઓ તું ઝુલાવ,
પંખીડા ડાળીએ બેસો, પોપટજી પ્રેમથી હીંચો.
કોણ હલાવે…
આજ હીંચોડુ બેનડી તારા હેત કહ્યા ના જાય,
મીઠડો વાયુ આજ બેની તારા હીંચકે બેસી જાય
કોયલ ને મોરલા બોલે, બેની નો હીંચકો ડોલે.
કોણ હલાવે લીંબડી ને કોણ ઝુલાવે પીપળી
ભાઇની બેની લાડકી ને ભઇલો ઝુલાવે, બેનડી જુલે, ભાઇલો ઝુલાવે ડાળખી.
શિવાજીનું હાલરડું November 9, 2008
Posted by યોગેશ કવીશ્વર in લોકપ્રિય ગીતો.Tags: શિવાજીનું હાલરડું
add a comment
આભમાં ઊગેલ ચાંદલો, ને જીજાબાઇને આવ્યાં બાળ રે (2)
બાળુડાને માત હીંચોળે
ધણણણ ડુંગરા બોલે.
શિવાજીને નીંદરું ના’વે
માતા જીજાબાઇ ઝુલાવે.
પેટમાં પોઢીને સાંભળેલી બાળે રામ – લખમણની વાત
માતાજીને મુખ જે દીથી,
ઊડી એની ઊંઘ તે દીથી….શિવાજીને…
પોઢજો રે, મારાં બાળ ! પોઢી લેજો પેટ ભરીને આજ –
કાલે કાળાં જુદ્ધ ખેલાશે :
સૂવાટાણું ક્યાંય ન રહેશે….શિવાજીને…
ધાવજો રે, મારાં પેટ ! ધાવી લેજો ખૂબ ધ્રપીને આજ –
રહેશે નહીં, રણઘેલુડા !
ખાવા મૂઠી ધાનની વેળા…..શિવાજીને…
પ્હેરી – ઓઢી લેજો પાતળાં રે ! પીળાં-લાલ-પીરોજી ચીર –
કાયા તારી લોહીમાં ન્હાશે :
ઢાંકણ તે દી ઢાલનું થાશે….શિવાજીને…
ઘૂઘરા, ધાવણી, પોપટ-લાકડી ફેરવી લેજો આજ –
તે દી તારે હાથ રહેવાની
રાતી બંબોળ ભવાની….શિવાજીને…
લાલ કંકુ કેરા ચાંદલા ને ભાલે તાણજો કેસરાઆડ્ય –
તે દી તો સિંદોરિયા થાપા
છાતી માથે ઝીલવા, બાપા !….શિવાજીને…
આજ માતા ચોડે ચૂમીયું રે બાળા ! ઝીલજો બેવડ ગાલ –
તે દી તારાં મોઢડાં માથે
ધૂંવાધાર તોપ મંડાશે…….શિવાજીને…
આજ માતાજીની ગોદમાં રે તુંને હૂંફ આવે આઠ પ્હોર –
તે દી કાળી મેઘલી રાતે
વાયુ ટાઢા મોતના વાશે…..શિવાજીને…
આજ માતા દેતી પાથરી રે કૂણાં ફૂલડાં કેરી સેજ –
તે દી તારી વીરપથારી
પાથરશે વીશભુજાળી……શિવાજીને…
આજ માતાજીને ખોળલે રે તારાં માથડાં ઝોલે જાય –
તે દી તારે શિર ઓશીકાં
મેલાશે તીર- બંધૂકા….શિવાજીને…
સૂઈ લેજે, મારા કેસરી રે ! તારી હિંદવાણ્યું જોવે વાટ –
જાગી વ્હેલો આવ, બાલુડા !
માને હાથ ભેટ બંધાવા….શિવાજીને…
જાગી વ્હેલો આવજે, વીરા !
ટીલું માના લોહીનું લેવા !
શિવાજીને નીંદરું ના’વે
માતા જીજાબાઇ ઝુલાવે.
બાળુડાને માત હીંચોળે
ધણણણ ડુંગરા બોલે.
મૈત્રીભાવનું પવિત્ર ઝરણું October 22, 2008
Posted by યોગેશ કવીશ્વર in પ્રાર્થના, લોકપ્રિય ગીતો.Tags: મૈત્રીભાવનું પવિત્ર
1 comment so far
મૈત્રીભાવનું પવિત્ર ઝરણું,
મુજ હૈયામાં વહ્યા કરે,
શુભ થાઓ સકળ વિશ્વનું
એવી ભાવના નિત્ય રહે … મૈત્રીભાવનું
ગુણથી ભરેલા ગુણીજનને દેખી,
હૈયું મારું નૃત્ય કરે,
એ સંતોના ચરણકમળમાં,
મુજ જીવનનું અર્ઘ્ય રહે … મૈત્રીભાવનું
દીન ક્રુર ને ધર્મવિહિનો,
દેખી દિલમાં દર્દ વહે,
કરૂણાભીની આંખોમાંથી
અશ્રુનો શુભ સ્ત્રોત વહે … મૈત્રીભાવનું
માર્ગ ભૂલેલાં જીવન પથિકને,
માર્ગ ચીંધવા ઊભો રહું,
કરે ઊપેક્ષા એ મારગની,
તોય સમતા ચિત્ત ધરું … મૈત્રીભાવનું
પંખીડાને આ પીંજરુ જૂનું જૂનું લાગે October 13, 2008
Posted by યોગેશ કવીશ્વર in લોકપ્રિય ગીતો.Tags: પંખીડાને આ પીંજરુ જૂ
add a comment
પંખીડાને આ પીંજરુ જૂનું જૂનું લાગે
પંખીડાને આ પીંજરુ જૂનું જૂનું લાગે
બહુએ સમજાવ્યું તોયે પંખી નવું પીંજરુ માંગે
ઉમટ્યો અજંપો એને પંડના રે પ્રાણનો
અણધાર્યો કર્યો મનોરથ દૂરના પ્રયાણનો
અણદીઠેલ દેશ જાવા, લગન એને લાગે
બહુએ સમજાવ્યું તોયે પંખી નવું પીંજરુ માંગે
સોને મઢેલ બાજઠિયો ને સોને મઢેલ ઝૂલો
હીરે જડેલ વિંઝણો મોતીનો મોલે અણમોલો
પાગલ ના બનીએ ભેરુ, કોઇના રંગ રાગે
બહુએ સમજાવ્યું તોયે પંખી નવું પીંજરુ માંગે
માન માન ઓ પંખીડા નથી રે સાજનની રીત
આવું જો કરવું હતું તો નહોતી કરવી પ્રીત
ઓછું શું આવ્યું સાથી સથવારો ત્યાગે
બહુએ સમજાવ્યું તોયે પંખી નવું પીંજરુ માંગે
ચૌદ વરસની ચારણ-કન્યા October 11, 2008
Posted by યોગેશ કવીશ્વર in લોકપ્રિય ગીતો.Tags: ચારણ કન્યા-ઝવેરચંદ મ
add a comment
સાવજ ગરજે
વનરાવનનો રાજા ગરજે
ગીરકાંઠાનો કેસરી ગરજે
ઐરાવતકુળનો અરિ ગરજે
કડ્યપાતળિયો જોદ્ધો ગરજે
મોં ફાડી માતેલો ગરજે
જાણે કો જોગંદર ગરજે
નાનો એવો સમદર ગરજે
!ક્યાં ક્યાં ગરજે ?
બાવળના જાળામાં ગરજે
ડુંગરના ગાળામાં ગરજે
કણબીના ખેતરમાં ગરજે
ગામ તણા પાદરમાં ગરજે
નદીઓની ભેખડમાં ગરજે
ગિરિઓની ગોહરમાં ગરજે
ઉગમણો, આથમણો ગરજે
ઓરો ને આઘેરો ગરજે
થર થર કાંપે !
વાડામાં વાછડલાં કાંપે
કૂબામાં બાળકડાં કાંપે
મધરાતે પંખીડા કાંપે
ઝાડ તણાં પાંદડલાં કાંપે
પહાડોના પથ્થર પણ કાંપે
સરિતાઓનાં જળ પણ કાંપે
સૂતાં ને જાગંતાં કાંપે
જડ ને ચેતન સૌએ કાંપે
આંખ ઝબૂકે
કેવી એની આંખ ઝબૂકે
વાદળમાંથી વીજ ઝબૂકે
જોટે ઊગી બીજ ઝબૂકે
જાણે બે અંગાર ઝબૂકે
હીરાના શણગાર ઝબૂકે
જોગંદરની ઝાળ ઝબૂકે
વીર તણી ઝંઝાળ ઝબૂકે
ટમટમતી બે જ્યોત ઝબૂકે
સામે ઊભું મોત ઝબૂકે
જડબાં ફાડે !
ડુંગર જાણે ડાચાં ફાડે !
જોગી જાણે ગુફા ઉઘાડે !
જમરાજાનું દ્ધાર ઉઘાડે !
પ્રુથ્વીનું પાતાળ ઉઘાડે !
બરછી સરખા દાંત બતાવે
લસ ! લસ ! કરતા જીભ ઝુલાવે.
બ્હાદર ઊઠે !
બડકંદાર બિરાદર ઊઠે
ફરસી લેતો ચારણ ઊઠે
ખડગ ખેંચતો આહીર ઊઠે
બરછી ભલે કાઠી ઊઠે
ઘર-ઘરમાંથી માતી ઊઠે
ગોબો હાથ રબારી ઊઠે
સોટો લઈ ઘરનારી ઊઠે
ગાય તણા રખવાળો ઊઠે
દૂધમલા ગોવાળો ઊઠે
મૂછે વળ દેનારા ઊઠે
ખોંખારો ખાનારા ઊઠે
માનું દૂધ પીનારા ઊઠે !
જાણે આભ મિનારા ઊઠે !
ઊભો રે’જે !
ચારણ-કન્યાચૌદ વરસની ચારણ-કન્યા
ચૂંદડિયાળી ચારણ-કન્યા
શ્વેતસુંવાળી ચારણ-કન્યા
બાળી ભોળી ચારણ-કન્યા
લાલ હિંગોળી ચારણ-કન્યા
ઝાડ ચડંતી ચારણ-કન્યા
પહાડ ઘૂમંતી ચારણ-કન્યા
જોબનવંતી ચારણ-કન્યા
આગ-ઝરંતી ચારણ-કન્યા
નેસ-નિવાસી ચારણ-કન્યા
જગદમ્બા-શી ચારણ-કન્યા
ડાંગ ઉઠાવે ચારણ-કન્યા
ત્રાડ ગજાવે ચારણ-કન્યા
હાથ હિલોળી ચારણ-કન્યા
પાછળ દોડી ચારણ-કન્યા
ભયથી ભાગ્યો !
સિંહણ, તારો ભડવીર ભાગ્યો
રણ મેલીને કાયર ભાગ્યો
ડુંગરનો રમનારો ભાગ્યો
હાથીનો હણનારો ભાગ્યો
જોગીનાથ જટાળો ભાગ્યો
મોટો વીર મૂછાળો ભાગ્યો
નર થઈ તું નારીથી ભાગ્યો
નાનકડી છોડીથી ભાગ્યો !
-ઝવેરચંદ મેઘાણી
ગીરના કુત્તા ઊભો રે’જે !
કાયર દુત્તા ઊભો રે’જે !
પેટભરા ! તું ઊભો રે’જે !
ભૂખમરા ! તું ઊભો રે’જે !
ચોર-લૂંટારા ઊભો રે’જે !
ગા-ગોઝારા ઊભો રે’જે !
કાચબા-કાચબીનું ભજન October 9, 2008
Posted by યોગેશ કવીશ્વર in ભજન, લોકપ્રિય ગીતો.Tags: કાચબા-કાચબીનું ભજન
add a comment
કાચબો કહે છે કાચબીને તું રાખની ધારણ ધીર
આપણને ઉગારશે વહાલો જુગતેશું જદુવીર
ચિંતા મેલી શરણે આવો રે
મરવા તુંને નહિ દે માવો રે
વારતી’તી તે સમે તેં શા વાસ્તે મારું કેમ ન માન્યું કે’ણ
હવે નથી કોઈ આરો વારો થયા પૂરા આયખાના ખેલ
પ્રભુ તારો ન આવ્યો પ્રાણી રે
માથે આવી મોત નિશાની રે
અબળાને એતબાર ન આવે કોટી કરોને ઉપાય
કહ્યું ન માને કોઈનું રે એ તો ગાયું પોતાનું ગાય
એવી તો વિશ્વાસવિહોણી રે
પ્રથમ તો મત્સ્યની પોણી રે
કાચબી કહે છે ક્યાં છે તારો રાખણહારો રામ
હરિ નથી કોઈના હાથમાં રે તમે શું બોલો છો શ્યામ
મરવા ટાણે મતિ મુંઝાણી રે
ત્રુટ્યા પછી ઝાલવું તાણી રે
ત્રિકમજી ત્રણ લોકમાં મારે તારો છે એતબાર
અટક પડી હરિ આવજો રે મારા આતમનો આધાર
છોગાળા વાત છે છેલ્લી રે
ધાજો બુડ્યાના બેલી રે
કાચબી કહે છે કોણ ઉગારે જાતો રહ્યો જગદીશ
ચારે દિશાથી સળગી ગયું તેમાં ઓરીને વિચોવીચ
જેનો વિશ્વાસ છે તારે રે
એનો એતબાર ન મારે રે
બળતી હોય તો બેસને મારી પીઠ ઉપર રાખું તારા પ્રાણ
નિંદા કરે છે નાથની રે એ તો મારે છે મુજને બાણ
વહાલો મારો આવશે વ્હારે રે
ઓર્યામાંથી ઉગારવા સાટે રે
કાચબી કહે છે કિરતાર ન આવ્યો આવ્યો આપણો અંત
પ્રાણ ગયા પછી પહોંચશે રે તમે શું બાંધો આશનો તંત
આમાંથી જો આજ ઊગરીએ રે
પાણી બાર કદી ન પગ ભરીએ રે
વિઠ્ઠલજી મારી વિનંતિ સુણી શામળા લેજો સાર
લીહ લોપાશે લોકમાં રે બીજે જાશો કોની વહાર
હરિ મારી હાંસી થાશે રે
પરભુ પરતીતિ જાશે રે
કેશવજીને કરુણા આવી મોકલ્યા મેઘ મલ્હાર
આંધણમાંથી ઉગારિયો આવી કાચબાને કિરતાર
ભોજો કે છે ભરોંસો આવશે જેને રે
ત્રિકમજી મારો તારશે તેને રે
- ભોજો ભગત
