ઘૂમતો ઘૂમતો જાય

ઘૂમતો ઘૂમતો જાય
આજ માનો ગરબો ઘૂમતો જાય.

ફર ફર ફૂદડી ફરતો જાય,
ચાચર ચોકમાં રમતો જાય….. આજ…

એ રે ગરબાને નવલખ તારલા,
ઝળકતો, ઝળકતો જાય…. આજ…

એ રે ગરબાને ચાર ચાર ફૂલડાં,
મ્હેકતો, મ્હેકતો જાય…. આજ…

એ રે ગરબાને ધોળી રે ધજાઓ,
ફરકતી, ફરકતી જાય…. આજ…

એ રે ગરબાને અંબાના નામ છે,
ચાચર ચોકમાં રમતો જાય… આજ…

એ રે ગરબાને બહુચરના નામ છે,
ચુંવાળે ફરતો જાય…. આજ…

એ રે ગરબાને મહાકાળીના નામ છે,
દક્ષિણે ફરતો જાય…. આજ….

એ રે ગરબાનું ભદ્રકાળી નામ છે,
દરવાજે ફરતો જાય…. આજ…

એ રે ગરબાને આજ ભક્તોનો સાથ છે,
હાં રે ગરબાને આજ સૈયરનો સાથ છે,

ઝૂમી ઝૂમી હાં…… હાં….
ઘૂમીને ભક્તો સૌ ગાય… આજ…..